العناية بالبشرة - للبشرة جميع مايخص بشرتك كيف تحافظين على بشرة ناعمة صافية اقنعة ماسكات كريمات ماسك للوجه الجاف كيفية تفتيح تقشير نصائح وصفات تنظيف
http://www.fashion.fsaten.com
بسم الله الرحمن الرحيم


أخواتي الغاليات


موضوعنا اليوم عن مشكلة مهمه جدا بتبحث جميع النساء عن حلها


وهي تفتيح مناطق الجسم المختلفة


المناطق اللي دايما بتشتكي النساء من غمقان لونها وهي


حوالين العين = الهالات السوداء


الكوع والركبتين


اسمرار المناطق الحساسة والإبطين



بقع سمراء بعد حب الشباب


الكلف ( بقع سمراء كبيره بالخدين أو بالرقبة أو حوالين الفم )


طبعا كل منطقة ليها علاج معين وليها طرق للتعامل معاها وليها طرق عناية مختلفة


هانتكلم عن كل منطقة بالتفصيل


أولا: الهالات السوداء حول العين


لازم نعرف أسباب ظهور الهالات السوداء حول العين علشان نتجنب سببها


من أسباب ظهورها


1- وراثية .. ودي الأكثر شيوعا وعلاجها صعب جدا جدا


2- الأنيميا وفقر الدم


3- السهر


4- الجلوس أمام شاشة التلفزيون والكمبيوتر فترات كثيرة


5- بعض أدوبة وقطرات العين بتسبب هالات سودا زي قطرات علاج الماية الزرقا (الجلوكوما) بتسبب هالات سوداء شديدة كمان بتغير لون العين نفسه


العلاج


طبعا نتجنب الأسباب السابقة


يعني


1- الإهتمام بالتغذية ولو ألزم الأمر ممكن حبوب حديد أو فيتامينات


2- تجنب السهر


3- شرب الحليب جدا مهم


4- تجنب الجلوس أمام التلفزيون لفترات طويلة


5- من العلاجات الطبيعية كمادات الشاي البارد وكمادات قشر الخيار


6- العلاجات الطبية


الهالات السودا من الصعب علاجها لكن فيه كريمات فعلا بتخففها شويه


كريم جينوفي K


Genove K cream


Skin Hair Care حلول لاسمرار


بيستخدم مره واحده ليلا يوميا


ثانيا: إسمرار المنطقة الحساسة والإبطين


لازم الأول نعرف إن المنطقة الحساسة طبيعي يكون فيها تلون بسيط ولون الجلد فيها بيكون غامق شويه عن لون الجلد الطبيعي


من أسباب إسمرار المنطقة الحساسة والإبطين الآتي


1- زيادة الوزن وبالتالي كثرة الإحتكاك بين الفخذين


2- حدوث إلتهابات فطرية وعدم الإهتمام بعلاجها فبتؤدي إلى إسمرار الجلد (إسمرار بعد الإلتهابات)


3- إستخدام مزيلات العرق التي تحتوي على كيماويات وعطور


5- استخدم العطور مباشرة على الجلد


6- استخدام الفوط الصحية أثناء الدورة الشهرية مدة طويلة .. المفروض الفوطة بتتغير كل 4 ساعات


7- ارتداء ملابس داخلية غير قطنية ..ألياف صناعية مثلا بتسبب اسمرار الجلد



العلاج


1- لازم ارتداء ملابس داخليه قطنية طويلة (شورت) ومقاسها بالظبط على الجلد


2- تخفيف الوزن


3- الإهتمام بنظافة المنطقة وإزالة الشعر بأي وسيلة مثل موس الحلاقة النسائي أو السويت


4- الحفاظ على المنطقة جافة بعد كل حمام ..لازم تجففي المنطقة كويس من الماء


5- علاج أي إلتهابات سواء جلدية أو مهبلية خصوصا الفطريات لأن بيكون مصاحب معاها حكة شديدة وبالتالي بتؤدي إلى إسمرار


6- ممنوع استخدام مزيلات العرق اللي بتحتوي على كيماويات وعطور


7- العلاج الطبي


أولا لازم نعالج الإلتهابات الموجودة زي التينيا


ثانيا كريمات التفتيح


فيه كريمات تفتيح كتير جدا بالصيدليات منها الغالي والماركات ومنها الطبي العادي


هاقولكم أسماء المعتمد منها


الكريمات دي فعلا حلوه وجابت نتايج حلوه مع بنات كتير


ملاحظة: أي كريم تفتيح لازم يستخدم حوالي شهرين أو 3 شهور مش أقل من كدا


وهاتبدي تلاحظي نتيجة بعد شهر او شهر ونصف .. علشان فيه بنات بتسأل استخدمت الكريم اسبوعين ومالاقيتش نتيجة؟ دا طبيعي لأن النتيجة بتبدأ تبان بعد شهر تقريبا


طبعا كريمات التفتيح زيها زي أي كريم لو حسيتي بحكة أو إحمرار معناها عندك حساسية من الكريم وقفيه معناها مانسبكيش

كريمات التفتيح لاتستخدم على مناطق كبيره بالجسم

يعني ماينفعش واحده تستخدمها على كل جسمها لتفتيحة غلط جدا وممنوع


1- كريم أفالون المبيض للتفتيح Avalon cream
Skin Hair Care حلول لاسمرار



كريم أفالون تقريبا كان لونه أبيض وبعدها جددوا بشكله وبقى لونه برتقالي وفيه منه تركيزين 4% و2%


طبعا الأفضل تركيز 2% علشان يكون خفيف على البشرة


ومعاه كريم هيدروكورتيزون أسيتيت 0.1% أو كريم إلوكوم أو وقت اللزوم لو حسيتي بحكة أو بإلتهاب


أو تاخدي نقطه من أفالون ونقطة من الهيدروكورتيزون وتخلطيهم كويس وتدهني بيهم المنطقة الحساسة مره ليلا وتغسليها الصبح



2- كريم إلدوكين 2%


فيه منه تركيزين 2 و4%


استخدمي تركيز 2%



ومعاه كريم إليكوم أو هيدروكورتيزون وقت اللزوم


تاخدي نقطه من دا ونقطه من دا وتخلطيهم وتدلكي بيها المنطقة الحساسه تدليك كويس لحد مايتشرب الخليط قبل النوم


ملحوظة : ممنوع خلط الكريمات كلها ووضعها بالثلاجة ..لأن بيحصلها تأكسد


لازم تخلطي كمية صغيره فقط وقت الإستخدام


ملحوظة : لازم نستخدم كورتيزون خفيف زي الإليكوم أو الهيدروكورتيزون علشان يقلل أي التهاب هاينتج من كريم التفتيح وتقللي من حساسية الجلد تجاة كريمات التفتيح شويه


ملحوظة: نقطة صغيره جدا من كريم التفتيح بتكفي مع التدليك الجيد


أو أي كريم تفتيح من اللي هاقولهم بعد شويه


أما للمصريات


بنصح بكريم فولدكس لأنه متوفر بمصر فقط وتقريبا مش متوفر بالسعودية


Foldex cream


Skin Hair Care حلول لاسمرار


Skin Hair Care حلول لاسمرارهذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 600x450 و بحجم 96KB.Skin Hair Care حلول لاسمرار
دا
مكوناته طبيعيه وبيستخدم لوحده وفيه منه للبشره وللمنطقة الحساسة متوفر بالصيدليات المصرية
وسعره 45 جنيه مصري


وأعتقد إنه مش متوفر بالسعودية


ثالثا:تفتيح الوجه وتوحيد اللون


كريمات التفتيح بتشيل التصبغات الجلدية الناتجة عن حرارة الشمس يعني بترجع البشرة لطبيعتها


يعني مش بتغير اللون وتحوله لأبيض ..لالا .. هي بتفتح اللون وتصفي الوجه


زي


= أفالون كريم 2% لتفتيح الجلد


= إلدوكين 2%


= وايت أوبجيكتيف كريم White objective cream أو وايت أوبجيكتيف سيروم
من شركة بيوديرما
ودا حلو كمان للي فيهم تصبغات زي الكلف لأنه بيقشر تقشير خفيف أو مع وجود تجاعيد بيكون ممتاز جدا
Skin Hair Care حلول لاسمرار




= يونيتون 4 Unitone4


من شركة إيزيس فارما


ودا فيه منه نوعين


يونيتون4 بالهيدروكينون


Skin Hair Care حلول لاسمرار


و


يونيتون 4 بالأربيوتين >اسمرار


كريم كالميوريد مرتين باليوم دا مقشر خفيف جدا



Skin Hair Care حلول لاسمرار



ومعاه تستخدمي إلدوكين2% كريم
مره يوميا ليلا


أو أفالون2% كريم
مره ليلا


ومعاها كريم إليكوم وقت اللزوم لو حسيتي بحكة أو إلتهاب


العلاج دا لمدة شهرين هاتلاقي نتيجة ممتازة بإذن الله


مع الترطيب المستمر بكريم ثقيل زي جليسوليد



فيه كريمات ثانية زي الديبروساليك بنات بتستخدمها لتفتيح الركب والكوعين هو فعلا بيقشر وبيفتح لكن بعد ماتوقفيه بيرجع يسمر تاني..كمان لأن نوع الكورتيزون فيه متوسط فماينفعش يستخدم لمدة طويلة
فيستخدم لو فعلا الركب محتاجاة ..يعني لو فيها طبقات جلد ميت سميكة
فلو حد حابب يستخدمه يبقى لمدة أسبوع فقط كمقشر يعني محفز للتقشير فقط على الأماكن بالركب عليها طبقات جلد مين سميكة محتاجة تقشير
مع كريم كالميوريد وكريم أفالون المفتح


منقول من موقع لدكتوره مصريه


http://www.fashion.fsaten.com
خلطات , وصفات للجسم , اقنعة , العناية بالبشره , وخلطات للشعر ونعومة الجسم , وتطويل الشعر